Жаңалықтар

Құрметті қызмет алушылар, Қазақстан Республикасының Мемлекеттік қызмет істері агенттігі 2021 жылы мемлекеттік қызметтерді көрсету сапасымен қанағаттану деңгейін анықтау мақсатында «Ашық диалог» алаңында онлайн нысанда сауалнама жүргізіп жатыр.

Сауалнамаға https://m.egov.kz/survey сілтемесі арқылы кіріп, белсенді түрде қатысуларыңызды сұраймыз.

 

 

 

 

 

 

 

Шалғын көбелегі (Loxostege sticticalis) -  қанкөбелек тұқымдасына жатады. Ол кең тараған көпкоректі зиянкес. Көбелектер негізінен мемлекеттік қордағы жерлердің арамшөптерінде сондай ақ, дәнді және майлы дақылдар егістігінде және бау бақшаларда байқалады.

Шалғын көбелегінің құрттары көбінесе шырынды, жұмсақ жапырақты өсімдіктерге (бұршақ, жонышқа, жүгері, картоп, көкөністер мен бақша өнімдері және жусан) көп зиян келтіреді.  Шалғын көбелегі желдің ағысы арқылы ұзақ жерлерге қоныс аудара алады және ол жерлерде тіршілігін жалғастырып дақылдарды зақымдайды.

Біздің аймақта екі ұрпақ береді. Ауа-райы қолайлы болған жағдайда үшінші ұрпақ беруі мүмкін. Ең қауіптісі зиянкестің бірінші ұрпағы, себебі ауыл шаруашылығы дақылдарының өсуінің алғашқы кезеңіне тұспа тұс келеді, ал бұл кезде дақыл зиянкес зақымдауларына төзімсіз келеді.

Ол көктемде қуыршақтанып, мамыр-маусым айларында көбелекке айналады. Шалғын көбелегінің өмірі 15-20 күнге созылады. Шалғын көбелегінің ұрғашысы 600 дейін жұмыртқа салады. Жұмыртқалардың дамуы 3-10 күн. Құрттары 2-4 аптада, 5 жасқа дейін өсіп дамиды.

Шалғын көбелегі 21-30 шілде аралығында   Ақжайық, Бәйтерек, Бөрлі, Сырым, Тасқала және Шыңғырлау аудандарында байқалды.

Ауыл шаруашылығы тауарын өңдірушілерден шағым және дабылдық хабарламалар түскен жоқ.

Осы уақытта дейін, Батыс Қазақстан облысында бұл зиянкестің жаппай көбеюі экономикалық зияндылық шегінен асқаны тіркелген жоқ.

Ағымдағы жылы Батыс Қазақстан облысы аумағында «Республикалық фитосанитарлық диагностика және болжамдар әдістемелік  орталығы» Батыс Қазақстан облыстық филиалының шалғын көбелегінің 2 ші ұрпағының құрттарына жүргізілген зерттеу жұмыстары кезінде 8400 га жер тексеріліп, 1720 га қоныстанғаны байқалып отыр, оның ішінде 1 шаршы жердегі орналасу тығыздығы 3 ке дейін 1520 га, 5 ке дейін 200 га жерде кездесіп отыр, шілде айында нөсерлі жауыннан кейінгі аптап ыстықтан соң зиянкестің 2-ші ұрпағы құрттарының жаппай көбеюі байқалды.

Шалғын көбелегіне қарсы химиялық өңдеу жүргізуге мемлекеттен қаржы бөлінбейді. Өйткені ауыл шаруашылығы министрлігі 2020 жылғы 19 наурыздағы № 100 бұйрығымен Жергілікті бюджет қаражаты есебінен жүзеге асырылатын зиянды организмдердің тізбесіне өзгеріс енгізіп  шалғын көбелегі құртын улауға міндетті зинякестер қатарынан алып тасталған.

Сондықтанда Зиянкестің бұл түрін ауыл шаруашылығы құрылымдары өз қаражаты есебінен улау керек, мемлекет тарапынан шаруашылық құрылымдарына  50% дейін субсидия беру қарастырылған.

Субсидия алу үшін ауыл шаруашылығы басқармасына өтінім бергеннен кейін 12 ай ішінде субсидия төленетін болады.

(АӨК дамытудың 2017-2021 жылдарға арналған мемлекеттік  бағдарламасы аясында, ауыл шаруашылығы тауарын өңдірушілер мен бизнес өкілдерінің бастамаларына сәйкес, 2020 жылдан бастап шалғын көбелегіне қарсы қорғау шараларын жүргізу жөніндегі жауапкершілік пестицидтер құнының 50 пайызға дейін өтеу үшін субсидиялар бере отырып, жергілікті атқарушы органдардың құзіретіне берілген).

Пестицидтармен  жұмыс жасағандағы  қауіпсіздік талаптарын қатаң сақтау қажет.  Қазақстан Республикасының аумағында айналымға түскен пестицидтар мемлекеттік тіркеуден өтеді және қолдануға рұқсат етілген пестицидтердің тізіміне енгізіледі. Пестицидтерді қолдану санитарлық нормалар мен ереже талаптарын сақтай отырып жүргізіледі.

Қала саябақтарын, гүлбақтарды, көшелерді пестицидтермен өңдеу кешкі, түнгі және таңғы сағаттарда пестицидтердің ең  төмен жұмсау нормасымен жүргізеді. Тұрғын үйлерге дейінгі санитарлық қашықтықты сақтай отырып жүргізіледі (50 метрден кем емес). Пестицидтерді шаруашылық-ауызсу су құбырлары көздерінің аймағында қолдануға жол берілмейді. Қауіптілігі 1 және 2 сыныпты пестицидтерді пайдалануға тыйым салынады. Пестицидтармен жұмыс істеген кезде қорғаныс киімдерін (комбинезон, халат, қалың орамал немесе бас киім), қолғап, көзді қорғайтын көзілдірік, ауыз бен мұрынға респиратор кию керек. Пестицидтармен жұмыс істеген кезде тамақ, су ішуге, шылым шегуге болмайды. Жұмыс аяқталғанннан кейін арнайы киімдерді тазалап, арнайы бөлінген жерлерде сақтау керек. Пестицидтермен жұмыс істеп болғанннан кейін бетті, қолды жуу керек. Уланған жағдайда жедел жәрдем шақыру керек. Уланған жерлерге малдарды 20-25 күн өткеннен кейін жіберуге болады.

Шалғын көбелегіне қарсы қауіптілік класы төмен пестицидтерді қолдануға болады. Мысалы:

Дифлур, 48% с.к. (0,015-0,02 л/га)  П-3,

Децис Эксперт, к.э. (0,1-0,12 л/га) П-2,

Борей Нео (0,01-0,2 л/га)  П-3,

Каратэ Зеон, с.к. (0,15л/га)  П-1,

Каратэ 050 к.э., (0,15л/га)  П-1,

Ахиллес, к.э. (0,1-0,3 л/га),

Алиот, к.э. (0,6-1,5 л/га),

Шалғын көбелегі құрттарына қарсы қолданылатын инсектицидтерді облысымыздағы төмендегі мекемелерден алуға болады. Бұл мекемелерде зиянкеске қолданылатын инсектицидтердің барлығы бар.

«Alem Agro Holding» ЖШС (БҚО өкілдігі) 87017801021

Батыс Қазақстан облысында химиялық өңдеу жұмыстарымен айналысатын арнайы мекемелер:

1. «Фитосанитария» РМК (басшысы Б.Жумин)

2. «Магтоксин» ЖШС (басшысы Б.Исалиев)

Ауыл шаруашылығы министрлігі Агроөнеркәсіптік кешендегі мемлекеттік инспекция Комитетінің Батыс Қазақстан облыстық аумақтық инспекциясының өсімдіктер карантині және фитосанитариялық бақылау бекеттері жөніндегі мемлекеттік  инспекция бөлімі Қазақстан Республикасының өсімдіктер карантині саласындағы  заңнамалары және Қазақстан Республикасы аумағына карантинге жатқызылатын өнімдерді әкелуге қойылатын фитосанитариялық талаптарға сәйкес, Республика  аумағын және облыс өңіріне карантиндік нысандардың, яғни зиянкестердің, арамшөптердің және аурулардың енуінен қорғау мақсатында Еуразиялық  экономикалық одағының сыртқы шекарасында орналасқан фитосанитариялық бақылау бекеттерінде мемлекеттік фитосанитариялық бақылау және қадағалау, тексерулер жүргізіп отыр.

Қазіргі таңда мемлекет қауіпсіздігі басты орында, қашан да маңызды мәселелерге ие. Осы қауіпсіздікті күшейту еліміздегі салалардың заңнамаларында бекітілген талаптар мен тәртіпті сақтауды талап етеді. Солардың бірі - өсімдіктер карантині саласы. Кей уақыттар да осы сферада  сақтық шараларын жөнді сақтамау оқыс жағдайларды туындатып отырады. Сол себепті, өсімдік карантині мемлекетті немесе оның жеке бір бөлігін аурулар мен зиянкестердің және арамшөптердің таралуынан сақтау үшін арнайы жұмыстар ұйымдастырып отыр. Жалпы айтқанда, өсімдіктер карантині дегеніміз - Қазақстан Республикасының өсімдік ресурстары мен өсімдіктен алынатын өнімін карантинді нысандармен қорғауға бағытталған, өсімдіктер карантині жөніндегі іс-шаралар жүйесін көздейтін құқықтық режим болып табылады. Табиғатта өсімдіктер зиянкестері, арамшөптер және аурулар көптеп кездеседі, соның ішінде аса қауіпті карантиндік зиянкестер, арамшөптер және  ауруларды, анықтау, оқшаулау және жою, сонымен қатар өсімдіктер карантині саласындағы заңнаманың  сақталуына мемлекеттік бақылау жасау өсімдіктер карантині қызметінің негізгі міндеті. Ал, өсiмдiктер карантинi жөнiндегi уәкiлеттi орган өсiмдiктер карантинi саласындағы басшылықты және мемлекеттік саясатты іске асыратын, сондай-ақ өз өкілеттілігі шегінде салааралық үйлестіруді жүзеге асыратын атқарушы орган Ауыл шаруашылығы министрлігі Агроөнеркәсіптік кешендегі мемлекеттік инспекция Комитетінің Батыс Қазақстан облыстық аумақтық инспекциясы және де олар белгілі талаптарға сәйкес мемлекеттік қызметтер көрсетеді. Атап өтсек:

1. Карантинге жатқызылған өнімді ҚР-ның аумағында тасуға карантиндік сертификат беру;

2. Карантинге жатқызылған ҚР-ның аумағынан тыс жерлерге әкетуге фитосанитариялық сертификат беру;

3. Ғылыми-зерттеу мақсатында карантиндік объектілерді (карантиндік зиянды организмдерді) әкелуді келісу;

4. Астық пен оның өңделген өнімдерін карантиндік арамшөп өсімдіктерінің тұқымдары мен жемістерін тіршілік ету қабілетінен айыруды қамтамасыз ететін технологиялар бойынша өңдеу және (немесе) сүректі қаптама материалын залалсыздандыру мен таңбалауды жүзеге асыратын объектілерге есепке алу нөмірін беру.

Батыс Қазақстан облыстық аумақтық инспекциясы осы сала бойынша 2 мемлекеттік қызмет көрсетеді. Атап айтқанда, карантинге жатқызылған өнімді ҚР-ның аумағында тасуға карантиндік сертификат беру және карантинге жатқызылған өнімді ҚР-ның аумағынан тыс жерлерге әкетуге фитосанитариялық сертификат беру.

Сонымен қатар, 2021 жылдың 7 тамызынан бастап Қазақстан Республикасының Ауыл шаруашылығы министрлігі Агроөнеркәсіптік кешендегі мемлекеттік инспекция комитеті «Қазақстан Республикасының аумағын карантиндік объектілерден және бөтен текті түрлерден қорғау жөніндегі қағыдаларды бекіту туралы» Қазақстан Республикасы Ауыл шаруашылығы министрінің 2015 жылғы 29 маусымдағы бұйрығымен бекітілген қағидаға өзгерістер мен толықтырулар енгізілген болатын. Бұл өзгеріс сала мақсатына айналып отырған Қазақстан Республикасының аумағын басқа мемлекеттерден немесе карантиндi аймақтан карантиндi объектiлердiң әкелiнуiнен немесе өз бетiмен енуiнен қорғау және карантиндi объектiлердi анықтау, оқшаулау және жою, сондай-ақ Қазақстан Республикасының олар жоқ аймақтарына олардың енуiнiң алдын алу, сонымен қоса, өсімдіктер карантині саласындағы заңнамасының сақталуына мемлекеттік карантиндік фитосанитариялық бақылау және қадағалау жүргізуіне септігін тигізері сөзсіз.

 

Өсімдіктер карантині және ФББ жөніндегі мемлекеттік

инспекциясы бөлімінің бас маманы - өсімдіктер карантині

жөніндегі мемлекеттік инспекторы Есен Нұржауған Мақсотқызы

Ауыл шаруашылығы министрлігі Агроөнеркәсіптік кешендегі мемлекеттік инспекция Комитетінің Батыс Қазақстан облыстық аумақтық инспекциясының өсімдіктер карантині және фитосанитариялық бақылау бекеттері жөніндегі мемлекеттік инспекция бөлімі Қазақстан Республикасының өсімдіктер карантині саласындағы заңнамалары және Қазақстан Республикасы аумағына карантинге жатқызылатын өнімдерді әкелуге қойылатын фитосанитариялық талаптарға сәйкес, Республика аумағын және облыс өңіріне карантиндік нысандардың, яғни зиянкестердің, арамшөптердің және аурулардың енуінен қорғау мақсатында Еуразиялық экономикалық одағының сыртқы шекарасында орналасқан фитосанитариялық бақылау бекеттерінде мемлекеттік фитосанитариялық бақылау және қадағалау, тексерулер жүргізіп отыр.

Қазіргі таңда мемлекет қауіпсіздігі басты орында, қашан да маңызды мәселелерге ие. Осы қауіпсіздікті күшейту еліміздегі салалардың заңнамаларында бекітілген талаптар мен тәртіпті сақтауды талап етеді. Солардың бірі - өсімдіктер карантині саласы. Кей уақыттар да осы сферада сақтық шараларын жөнді сақтамау оқыс жағдайларды туындатып отырады. Сол себепті, өсімдік карантині мемлекетті немесе оның жеке бір бөлігін аурулар мен зиянкестердің және арамшөптердің таралуынан сақтау үшін арнайы жұмыстар ұйымдастырып отыр. Жалпы айтқанда, өсімдіктер карантині дегеніміз - Қазақстан Республикасының өсімдік ресурстары мен өсімдіктен алынатын өнімін карантинді нысандармен қорғауға бағытталған, өсімдіктер карантині жөніндегі іс-шаралар жүйесін көздейтін құқықтық режим болып табылады. Табиғатта өсімдіктер зиянкестері, арамшөптер және аурулар көптеп кездеседі, соның ішінде аса қауіпті карантиндік зиянкестер, арамшөптер және ауруларды, анықтау, оқшаулау және жою, сонымен қатар өсімдіктер карантині саласындағы заңнаманың сақталуына мемлекеттік бақылау жасау өсімдіктер карантині қызметінің негізгі міндеті. Ал, өсiмдiктер карантинi жөнiндегi уәкiлеттi орган өсiмдiктер карантинi саласындағы басшылықты және мемлекеттік саясатты іске асыратын, сондай-ақ өз өкілеттілігі шегінде салааралық үйлестіруді жүзеге асыратын атқарушы орган Ауыл шаруашылығы министрлігі Агроөнеркәсіптік кешендегі мемлекеттік инспекция Комитетінің Батыс Қазақстан облыстық аумақтық инспекциясы және де олар белгілі талаптарға сәйкес мемлекеттік қызметтер көрсетеді. Атап өтсек:

1. Карантинге жатқызылған өнімді ҚР-ның аумағында тасуға карантиндік сертификат беру;

2. Карантинге жатқызылған ҚР-ның аумағынан тыс жерлерге әкетуге фитосанитариялық сертификат беру;

3. Ғылыми-зерттеу мақсатында карантиндік объектілерді (карантиндік зиянды организмдерді) әкелуді келісу;

4. Астық пен оның өңделген өнімдерін карантиндік арамшөп өсімдіктерінің тұқымдары мен жемістерін тіршілік ету қабілетінен айыруды қамтамасыз ететін технологиялар бойынша өңдеу және (немесе) сүректі қаптама материалын залалсыздандыру мен таңбалауды жүзеге асыратын объектілерге есепке алу нөмірін беру.

Батыс Қазақстан облыстық аумақтық инспекциясы осы сала бойынша 2 мемлекеттік қызмет көрсетеді. Атап айтқанда, карантинге жатқызылған өнімді ҚР-ның аумағында тасуға карантиндік сертификат беру және карантинге жатқызылған өнімді ҚР-ның аумағынан тыс жерлерге әкетуге фитосанитариялық сертификат беру.

Сонымен қатар, 2021 жылдың 7 тамызынан бастап Қазақстан Республикасының Ауыл шаруашылығы министрлігі Агроөнеркәсіптік кешендегі мемлекеттік инспекция комитеті «Қазақстан Республикасының аумағын карантиндік объектілерден және бөтен текті түрлерден қорғау жөніндегі қағыдаларды бекіту туралы» Қазақстан Республикасы Ауыл шаруашылығы министрінің 2015 жылғы 29 маусымдағы бұйрығымен бекітілген қағидаға өзгерістер мен толықтырулар енгізілген болатын. Бұл өзгеріс сала мақсатына айналып отырған Қазақстан Республикасының аумағын басқа мемлекеттерден немесе карантиндi аймақтан карантиндi объектiлердiң әкелiнуiнен немесе өз бетiмен енуiнен қорғау және карантиндi объектiлердi анықтау, оқшаулау және жою, сондай-ақ Қазақстан Республикасының олар жоқ аймақтарына олардың енуiнiң алдын алу, сонымен қоса, өсімдіктер карантині саласындағы заңнамасының сақталуына мемлекеттік карантиндік фитосанитариялық бақылау және қадағалау жүргізуіне септігін тигізері сөзсіз.

Өсімдіктер карантині және ФББ жөніндегі мемлекеттік инспекциясы бөлімінің бас маманы - өсімдіктер карантині жөніндегі мемлекеттік инспекторы

Есен Нұржауған Мақсотқызы

ҚР АМШ АӨК МИК Батыс Қазақстан обылыстық аумақтық инспекциясы өсімдіктер  карантині саласындағы  мемлекеттік қызмет көрсету бойынша өзерістер енгізілгендігі  туралы   хабарлайды.

 

Қазақстан Республикасы Ауыл шаруашылығы министрінің 2021 жылғы 28 мамырдағы № 172 бұйрығы. Қазақстан Республикасының Әділет министрлігінде 2021 жылғы 4 маусымда № 22939 болып тіркелді

БҰЙЫРАМЫН:

  1. "Қазақстан Республикасының аумағын карантиндік объектілерден және бөтен текті түрлерден қорғау жөніндегі қағидаларды бекіту туралы" Қазақстан Республикасы Ауыл шаруашылығы министрінің 2015 жылғы 29 маусымдағы № 15-08/590 бұйрығына (Нормативтік құқықтық актілерді мемлекеттік тіркеу тізілімінде № 12032 болып тіркелген) мынадай өзгерістер мен толықтырулар енгізілсін:

көрсетілген бұйрықпен бекітілген Қазақстан Республикасының аумағын карантиндік объектілерден және бөтен текті түрлерден қорғау жөніндегі қағидаларда:

 

27-тармақ мынадай редакцияда жазылсын:

"27. Көрсетілетін қызметті алушы аумақтық бөлімшенің (көрсетілетін қызметті берушінің) кеңсесіне не порталға жүгінген кезде:

1) аумақтық бөлімшенің (көрсетілетін қызметті берушінің) кеңсесі карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алуға арналған өтінішті келіп түскен күні (17:30 кейін түскен жағдайда, өтініш келесі жұмыс күні тіркеледі) тіркейді және оны аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды;

2) өсімдіктер карантині жөніндегі жауапты мемлекеттік инспектор өтініш келіп түскен күннен бастап 1 (бір) жұмыс күні ішінде ұсынылған құжаттардың толықтығын қарайды.

Көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өсімдіктер карантині жөніндегі жауапты мемлекеттік инспектор өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды.

Көрсетілетін қызметті алушы құжаттардың толық топтамасын ұсынған жағдайда, өсімдіктер карантині жөніндегі жауапты мемлекеттік инспектор өтініш келіп түскен күннен бастап 1 (бір) жұмыс күні ішінде карантинге жатқызылған өнімнің фитосанитариялық жай-күйін анықтау үшін қажет болған жағдайда, көрсетілетін қызметті алушының қатысуымен үлгілерді іріктей отырып, карантинге жатқызылған өнімді тексеріп қарауға барады. Карантинге жатқызылған өнімді тексеріп қарау негізінде өсімдіктер карантині жөніндегі жауапты мемлекеттік инспектор карантиндік фитосанитариялық бақылау және қадағалау актісін ресімдейді.

Карантиндік фитосанитариялық бақылау және қадағалау актісінің негізінде өсімдіктер карантині жөніндегі жауапты мемлекеттік инспектор 1 (бір) жұмыс күні ішінде:

"e-Agriculture" агроөнеркәсіптік кешен салаларын басқарудың бірыңғай автоматтандырылған жүйесін (бұдан әрі – ББАЖ АЖ) пайдалана отырып, осы Қағидаларға 6-қосымшаға сәйкес нысан бойынша фитосанитариялық сертификатты немесе оны беруден уәжді бас тартуды ресімдейді;

дайындалған фитосанитариялық сертификатты немесе оны беруден уәжді бас тартуды аумақтық бөлімшенің (көрсетілетін қызметті берушінің) кеңсесіне береді;

3) аумақтық бөлімшенің (көрсетілетін қызметті берушінің) кеңсесі дайындалған фитосанитариялық сертификатты немесе оны беруден уәжді бас тартуды тіркейді және көрсетілетін қызметті алушыға береді.

Көрсетілетін қызметті алушы портал арқылы жүгінген жағдайда мемлекеттік қызмет көрсету нәтижесін алу күнін, уақытын және орнын көрсете отырып, фитосанитариялық сертификаттың дайын екендігі туралы хабарлама не оны беруден уәжді бас тарту көрсетілетін қызметті алушының "жеке кабинетіне" аумақтық бөлімше (көрсетілетін қызметті беруші) басшысының электрондық цифрлық қолтаңбасы қойылған электрондық құжат нысанында жіберіледі.";

мынадай мазмұндағы 27-1-тармақпен толықтырылсын:

"27-1. Фитосанитариялық сертификатты немесе оны беруден уәжді бас тартуды ресімдеу өтінішке карантинге жатқызылған өнімнің мәлімделген партиясының межелі елдің карантиндік фитосанитариялық талаптарына сәйкестігін растайтын, өтініш берілген күнге дейін күнтізбелік 7 (жеті) күннен асырмай берілген, осы Қағидаларға 9-қосымшаға сәйкес нысан бойынша карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алуға арналған өтініш аумақтық бөлімшенің (көрсетілетін қызмет берушінің) кеңсесінде тіркелген сәттен бастап 5 (бес) жұмыс сағаты ішінде жүзеге асырылады.

Карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алуға арналған өтініш келіп түскен кезде аумақтық бөлімшенің (көрсетілетін қызметті берушінің) кеңсесі оларды түскен күні тіркейді (17:30-дан кейін келіп түскен жағдайда, өтініш келесі жұмыс күні тіркеледі) және аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды.

Өсімдіктер карантині жөніндегі жауапты мемлекеттік инспектор өтініш тіркелген сәттен бастап 2 (екі) жұмыс сағаты ішінде ұсынылған құжаттардың толықтығын тексереді және көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды.

Көрсетілетін қызметті алушы құжаттардың толық топтамасын ұсынған жағдайда, өсімдіктер карантині жөніндегі жауапты мемлекеттік инспектор 3 (үш) жұмыс сағаты ішінде ББАЖ АЖ-ны пайдалана отырып, осы Қағидаларға 6-қосымшаға сәйкес нысан бойынша фитосанитариялық сертификатты немесе оны беруден уәжді бас тартуды ресімдейді.";

 

28-тармақ мынадай редакцияда жазылсын:

"28. Фитосанитариялық сертификатты немесе оны беруден уәжді бас тартуды ресімдеу өтінішке карантинге жатқызылған өнімнің мәлімделген партиясының межелі елдің карантиндік фитосанитариялық талаптарына сәйкестігін растайтын, өтініш берілген күнге дейін күнтізбелік 7 (жеті) күннен асырмай берілген, осы Қағидаларға 9-қосымшаға сәйкес нысан бойынша карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, тез бұзылатын карантинге жатқызылған өнімді (жемістер, жидектер, көкөністер, бақша дақылдары) Қазақстан Республикасының аумағынан әкету үшін фитосанитариялық сертификат алуға арналған өтініш аумақтық бөлімшенің (көрсетілетін қызметті берушінің) кеңсесінде тіркелген сәттен бастап 3 (үш) жұмыс сағаты ішінде жүзеге асырылады.

Карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, тез бұзылатын карантинге жатқызылған өнімді (жемістер, жидектер, көкөністер, бақша дақылдары) Қазақстан Республикасының аумағынан әкету үшін фитосанитариялық сертификат алуға арналған өтініш келіп түскен кезде аумақтық бөлімшенің (көрсетілетін қызметті берушінің) кеңсесі оларды келіп түскен күні тіркейді (17:30-дан кейін келіп түскен жағдайда, өтініш келесі жұмыс күні тіркеледі) және аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды.

Өсімдіктер карантині жөніндегі жауапты мемлекеттік инспектор өтініш тіркелген сәттен бастап 1 (бір) жұмыс сағаты ішінде ұсынылған құжаттардың толықтығын тексереді және көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды.

Көрсетілетін қызметті алушы құжаттардың толық топтамасын ұсынған жағдайда, өсімдіктер карантині жөніндегі жауапты мемлекеттік инспектор 2 (екі) жұмыс сағаты ішінде ББАЖ АЖ-ны пайдалана отырып, осы Қағидаларға 6-қосымшаға сәйкес нысан бойынша фитосанитариялық сертификатты немесе оны беруден уәжді бас тартуды ресімдейді.";

 

29-тармақ мынадай редакцияда жазылсын:

"29. Көрсетілетін қызметті алушы Мемлекеттік корпорацияға жүгінген жағдайда:

1) Мемлекеттік корпорация жұмыскері өтініштің дұрыс толтырылуын тексереді.

Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайда, Мемлекеттік корпорация қызметкері өтінішті қабылдаудан бас тартады және жоқ құжатты көрсете отырып, қолхат береді;

2) барлық қажетті құжаттар ұсынылған кезде Мемлекеттік корпорация қызметкері оларды "Халыққа қызмет көрсету орталықтарына арналған интеграцияланған ақпараттық жүйе" ақпараттық жүйесінде (бұдан әрі – ХҚО ИАЖ) тіркейді;

3) көрсетілетін қызметті алушының жеке басы сәйкестендірілгеннен кейін көрсетілетін қызметті алушы туралы тиісті ақпарат және берілген құжаттардың тізімі ХҚО ИАЖ-ға енгізіледі және ББАЖ АЖ-ға жіберіледі және көрсетілетін қызметті алушыға тиісті құжаттардың қабылданғаны туралы қолхат беріледі.

Фитосанитариялық сертификатты немесе оны беруден уәжді бас тартуды аумақтық бөлімшенің (көрсетілетін қызметті берушінің) кеңсесі Мемлекеттік корпорацияға жібереді.

Мемлекеттік корпорация қолхатта көрсетілген мерзімде көрсетілетін қызметті алушыға мемлекеттік қызмет көрсету нәтижесін береді.

Көрсетілетін қызметті алушы қолхаттағы көрсетілген мерзімде мемлекеттік көрсетілетін қызметтің нәтижесін алуға келмеген жағдайда, Мемлекеттік корпорация оның күнтізбелік 30 (отыз) күн сақталуын қамтамасыз етеді, одан кейін оны аумақтық бөлімшеге (көрсетілетін қызметті алушыға) береді.";

 

31-тармақ мынадай редакцияда жазылсын:

"31. Фитосанитариялық сертификатты беруден уәжді бас тартуға мыналар негіз болып табылады:

1) осы Қағидалардың 27-1 және 28-тармақтарына сәйкес фитосанитариялық сертификатты ресімдеу жағдайларын қоспағанда, көрсетілетін қызметті алушының карантинге жатқызылған өнімді жете тексеруге ұсынбауы;

2) импорттаушы елдің талаптарында карантинге жатқызылған өнімде анықталған карантиндік объектілердің болуына жол берілген жағдайларды қоспағанда, карантинге жатқызылған өнімде (экспорт кезінде) карантиндік объектілердің анықталуы;

3) импорттаушы елдің (экспорт кезінде) талаптарына сәйкессіздіктің анықталуы;

4) Еуразиялық экономикалық одаққа мүше мемлекеттің уәкілетті органының лауазымды адамына карантинге жатқызылған өнімнің келуі туралы бірнеше рет (екі және одан көп рет) хабарламау және жете тексеруге ұсынбау межелі орынның өзгеру жағдайын қоспағанда, Еуразиялық экономикалық одаққа мүше мемлекеттің тиісті мемлекеттік уәкілетті органынан ақпарат алынғаннан кейін күнтізбелік 30 (отыз) күн ішінде фитосанитариялық сертификатты беруден бас тартуға негіз болып табылады;

5) көрсетілетін қызметті алушы фитосанитариялық сертификат алу үшін ұсынған құжаттардың және (немесе) олардағы деректердің (мәліметтердің) дұрыс еместігінің анықталуы;

6) көрсетілетін қызметті алушының және (немесе) фитосанитариялық сертификат беру үшін қажетті ұсынылған карантинге жатқызылған өнімнің, деректер мен мәліметтердің осы Қағидаларда белгіленген талаптарға сәйкес келмеуі;

7) көрсетілетін қызметті алушыға қатысты фитосанитариялық сертификатты алумен байланысты оның қызметіне немесе жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы.";

 

40-тармақ мынадай редакцияда жазылсын:

"40. Карантиндік объектілерді ғылыми-зерттеу мақсаттарында әкелуге арналған келісім-хатты беруден уәжді бас тартуға мыналар негіз болып табылады:

1) осы Қағидаларға 13-қосымшада баяндалған биологиялық қауіпсіздіктің әртүрлі деңгейіндегі карантиндік объектілерге арналған зертханадағы оқшаулау шарттарының тізбесіне сәйкес келмеуі;

2) карантиндік объектілерді ғылыми-зерттеу мақсаттарында әкелуге арналған келісім-хатты алу үшін көрсетілетін қызметті алушы ұсынған құжаттардың және (немесе) оларда қамтылған деректердің (мәліметтердің) дұрыс еместігінің анықталуы;

3) көрсетілетін қызметті алушының және (немесе) ұсынылған материалдардың, карантинге жатқызылған өнімнің, карантиндік объектілерді ғылыми-зерттеу мақсаттарында әкелуге арналған келісім-хатты беру үшін қажетті деректер мен мәліметтердің осы Қағидаларда белгіленген талаптарға сәйкес келмеуі;

4) көрсетілетін қызметті алушыға қатысты карантиндік объектілерді ғылыми-зерттеу мақсаттарында әкелуге арналған келісім-хатты алуға байланысты қызметке немесе қызметтің жекелеген түрлеріне тыйым салу туралы заңды күшіне енген сот шешімінің (үкімінің) болуы.";

 

49-тармақ мынадай редакцияда жазылсын:

"49. Көрсетілетін қызметті алушы порталға жүгінген кезде:

1) аумақтық бөлімшенің (көрсетілетін қызметті берушінің) кеңсесі карантинге жатқызылған өнімнің Қазақстан Республикасының аумағында орнын ауыстыруға карантиндік сертификат алуға арналған өтінішті келіп түскен күні тіркейді (17:30-дан кейін келіп түскен жағдайда, өтініш келесі жұмыс күні тіркеледі) және оны өсімдіктер карантині жөніндегі жауапты мемлекеттік инспекторды тағайындайтын аумақтық бөлімшенің (көрсетілетін қызметті берушінің) басшысына қарауға береді;

2) өсімдіктер карантині жөніндегі жауапты мемлекеттік инспектор өтініш тіркелген сәттен бастап 3 (үш) жұмыс сағаты ішінде ұсынылған құжаттардың толықтығын қарайды, және көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды.

Көрсетілетін қызметті алушы құжаттардың толық топтамасын ұсынған жағдайда, өсімдіктер карантині жөніндегі жауапты мемлекеттік инспектор өтініш тіркелген сәттен бастап 1 (бір) жұмыс күні ішінде:

карантинге жатқызылған өнімнің фитосанитариялық жай-күйін анықтау үшін көрсетілетін қызметті алушының қатысуымен, қажет болған жағдайда, үлгілерді іріктей отырып, карантинге жатқызылған өнімді жете тексеруге барады;

карантинге жатқызылған өнімді жете тексеру негізінде карантиндік фитосанитариялық бақылау және қадағалау актісін ресімдейді;

карантиндік фитосанитариялық бақылау және қадағалау актісінің негізінде ББАЖ АЖ-ны пайдалана отырып, осы Қағидаларға 14-қосымшаға сәйкес нысан бойынша карантиндік сертификатты немесе оны беруден уәжді бас тартуды ресімдейді және көрсетілетін қызметті алушыға жолдайды;";

мынадай мазмұндағы 49-1-тармақпен толықтырылсын:

"49-1. Карантиндік сертификатты немесе оны беруден уәжді бас тартуды ресімдеу карантинге жатқызылған өнімнің мәлімделген партиясының Қазақстан Республикасы Ауыл шаруашылығы министрінің 2020 жылғы 17 сәуірдегі № 131 бұйрығымен (Нормативтік құқықтық актілерді мемлекеттік тіркеу тізілімінде № 20432 болып тіркелген) (бұдан әрі – № 131 бұйрық) бекітілген карантиндік фитосанитариялық талаптарға сәйкестігін растайтын, өтініш берілген күнге дейін күнтізбелік 7 (жеті) күннен асырмай берілген, осы Қағидаларға 9-қосымшаға сәйкес нысан бойынша карантинге жатқызылған өнімнің жай-күйін карантиндік фитосанитариялық сараптау қорытындысын өтінішке қоса бере отырып, карантинге жатқызылған өнімнің Қазақстан Республикасының аумағында орын ауыстыруына карантиндік сертификат беруге арналған өтініш аумақтық бөлімшенің (көрсетілетін қызметті берушінің) кеңсесінде тіркелген сәттен бастап 5 (бес) жұмыс сағаты ішінде жүзеге асырылады.

Карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген карантинге жатқызылған өнімнің Қазақстан Республикасының аумағында орын ауыстыруына карантиндік сертификат беруге арналған өтініш келіп түскен кезде аумақтық бөлімшенің (көрсетілетін қызметті берушінің) кеңсесі оларды келіп түскен күні тіркейді (17:30-дан кейін келіп түскен жағдайда, өтініш келесі жұмыс күні тіркеледі) және аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды.

Өсімдіктер карантині жөніндегі жауапты мемлекеттік инспектор өтініш тіркелген сәттен бастап 2 (екі) жұмыс сағаты ішінде ұсынылған құжаттардың толықтығын тексереді, және көрсетілетін қызметті алушы құжаттардың толық емес топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өсімдіктер карантині жөніндегі жауапты мемлекеттік инспектор өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды.

Көрсетілетін қызметті алушы құжаттардың толық топтамасын ұсынған жағдайда, өсімдіктер карантині жөніндегі жауапты мемлекеттік инспектор 3 (үш) жұмыс сағаты ішінде ББАЖ АЖ-ны пайдалана отырып, осы Қағидаларға 14-қосымшаға сәйкес нысан бойынша карантиндік сертификатты немесе оны беруден уәжді бас тартуды ресімдейді және көрсетілетін қызметті алушыға жолдайды.";

 

50-тармақ мынадай редакцияда жазылсын:

"50. Карантиндік сертификатты немесе оны беруден уәжді бас тартуды рәсімдеу карантинге жатқызылған өнімнің мәлімделген партиясының № 131 бұйрыққа сәйкестігін растайтын, өтініш берілген күнге дейін күнтізбелік 7 (жеті) күннен асырмай берілген, осы Қағидаларға 9-қосымшаға сәйкес нысан бойынша карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, тез бұзылатын карантинге жатқызылған өнімнің (жемістер, жидектер, көкөністер, бақша дақылдары) Қазақстан Республикасының аумағында орын ауыстыруына карантиндік сертификат беруге арналған өтініш аумақтық бөлімшенің (көрсетілетін қызметті берушінің) кеңсесімен тіркелген сәттен бастап 3 (үш) жұмыс сағаты ішінде жүзеге асырылады.

Карантинге жатқызылған өнімнің жай-күйін карантиндік фитосанитариялық сараптау қорытындысы қоса берілген, тез бұзылатын карантинге жатқызылған өнімнің (жемістер, жидектер, көкөністер, бақша дақылдары) Қазақстан Республикасының аумағында орын ауыстыруына карантиндік сертификат беруге арналған өтініш келіп түскен күні аумақтық бөлімшенің (көрсетілетін қызметті берушінің) кеңсесі оларды тіркейді (17:30-дан кейін келіп түскен жағдайда, өтініш келесі жұмыс күні тіркеледі) және аумақтық бөлімшенің (көрсетілетін қызметті берушінің) басшысына қарауға береді, ол өсімдіктер карантині жөніндегі жауапты мемлекеттік инспекторды тағайындайды.

Өсімдіктер карантині жөніндегі жауапты мемлекеттік инспектор өтініш келіп түскен сәттен бастап 1 (бір) сағат ішінде ұсынылған құжаттардың толықтығын тексереді.

Көрсетілетін қызметті алушы құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, өсімдіктер карантині жөніндегі жауапты мемлекеттік инспектор өтінішті одан әрі қараудан уәжді бас тартуды дайындайды және көрсетілетін қызметті алушыға жолдайды, ал көрсетілетін қызметті алушы құжаттардың толық топтамасын ұсынған жағдайда 2 (екі) жұмыс сағаты ішінде ББАЖ АЖ-ны пайдалана отырып, осы Қағидаларға 14-қосымшаға сәйкес нысан бойынша карантиндік сертификатты немесе оны беруден уәжді бас тартуды ресімдейді және көрсетілетін қызметті алушыға жолдайды.";

 

52-тармақ мынадай редакцияда жазылсын:

"52. Карантиндік сертификатты беруден уәжді бас тартуға мыналар негіз болып табылады:

1) осы Қағидалардың 49-1 және 50-тармақтарына сәйкес карантиндік сертификатты ресімдеу жағдайларын қоспағанда, көрсетілетін қызметті алушының карантинге жатқызылған өнімді жете тексеруге ұсынбауы;

2) есепке алу нөмірін алған көрсетілетін қызметті алушылар қара өріктің шарка вирусы (Plum pox potyvіrus), қалқаншалы және жалған қалқаншалы сымырлардың карантиндік түрлері бар жемістер мен жидектерді өңдеуге жіберген жағдайда, карантиндік арамшөптермен (Strіga spp. текті карантиндік арамшөптерді қоспағанда) залалданған астық пен оның өңделген өнімдерін қоспағанда, карантинге жатқызылған өнімде карантиндік объектілердің анықталуы;

3) аумақтық бөлімшенің (көрсетілетін қызметті берушінің) өсімдіктер карантині жөніндегі мемлекеттік инспекторына карантинге жатқызылған өнімнің келуі туралы бірнеше рет (екі және одан көп рет) хабарламау және жете тексеруге ұсынбау, бұл межелі орнының өзгеру жағдайын қоспағанда, тиісті аумақтық бөлімшеден (көрсетілетін қызметті берушіден) ақпарат алынғаннан кейін күнтізбелік 30 (отыз) күн ішінде карантиндік сертификатты беруден бас тартуға негіз болып табылады;

4) көрсетілетін қызметті алушы карантиндік сертификат алу үшін ұсынған құжаттардың және (немесе) олардағы деректердің (мәліметтердің) дұрыс еместігінің анықталуы;

5) көрсетілетін қызметті алушының және (немесе) карантиндік сертификат алу үшін қажетті ұсынылған карантинге жатқызылған өнімнің, деректер мен мәліметтердің осы Қағидаларда белгіленген талаптарға сәйкес келмеуі;

6) көрсетілетін қызметті алушыға қатысты карантиндік сертификат алумен байланысты оның қызметіне немесе жекелеген қызмет түрлеріне байланысты тыйым салу туралы соттың заңды күшіне енген шешімінің (үкімінің) болуы.";

 

53-тармақ мынадай редакцияда жазылсын:

"53. Жүру жолында немесе межелі пунктінде карантинге жатқызылған өнімнің баратын мекенжайын өзгерту осы Қағидаларға сәйкес аумағында осы операциялар жүзеге асырылатын, аумақтық бөлімшемен (көрсетілетін қызметті берушімен) берілетін жаңа карантиндік сертификатты ресімдеу жолымен жүзеге асырылады.

Қазақстан Республикасының карантиндiк аймағынан әкетiлген карантинге жатқызылған өнiмдi жүру жолында басқа мекенжайға жiберуге жол берілмейді.

Орны ауыстырылатын карантинге жатқызылған өнім оның межелі, жеткізу пунктінде екінші рет карантиндік жете тексерілуі тиіс.";

 

8-қосымша осы бұйрыққа 1-қосымшаға сәйкес жаңа редакцияда жазылсын;

 

12-қосымша осы бұйрыққа 2-қосымшаға сәйкес жаңа редакцияда жазылсын;

 

14-қосымша осы бұйрыққа 3-қосымшаға сәйкес жаңа редакцияда жазылсын;

 

16-қосымша осы бұйрыққа 4-қосымшаға сәйкес жаңа редакцияда жазылсын;

 

19-қосымша осы бұйрыққа 5-қосымшаға сәйкес жаңа редакцияда жазылсын.

  1. Қазақстан Республикасы Ауыл шаруашылығы министрлігінің Ветеринариялық, фитосанитариялық және тамақ қауіпсіздігі департаменті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

  1. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
  2. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.

 

Қазақстан Республикасының

Ауыл шаруашылығы министрі           С. Омаров

 

"КЕЛІСІЛДІ"

Қазақстан Республикасы

Қаржы министрлігі

 

"КЕЛІСІЛДІ"

Қазақстан Республикасы

Ұлттық экономика министрлігі

 

"КЕЛІСІЛДІ"

Қазақстан Республикасы

Цифрлық даму, инновациялар және

аэроғарыш өнеркәсібі министрлігі

 

"КЕЛІСІЛДІ"

Қазақстан Республикасы

Экология, геология және

табиғи ресурстар министрлігі

“Антикор орталығы" мен ҚР АШМ АӨК МИК Батыс Қазақстан облыстық аумақтық инспекциясы басшысы Л.Р. Хайретдиновтың қатысумен тікелей эфир өткен болатын.

Тікелей эфирдың мақсаты - негізге сыбайлас жемқорлыққа қарсы стратегияны ала отырып, жалпы азаматтық қоғамның, мемлекеттік қызметшілердің,халықтың сыбайлас жемқорлыққа қарсы көзқарасын арттыру және де оған қарсы сана сезім мен мәдениетті қалыптастыру.Аталмыш шарада маңызды сұрақтарға жауаптар алынып, қазіргі кездегі өзекті мәселелерге тоқталып өтті.

Мемлекеттік қызметшілер үшін Әдеп кодексі қабылданған болатын. Бұл кодексте этикалық нормаларды бұзуға әкелетін және жемқорлық құбылыстар туындататын жағдайлардың алдын алу бойынша шаралар қарастырылған.

Сонымен қатар, мемлекеттік қызметшілердің моральдық-әдептілік бейнесіне қойылатын жалпы қабылданған талаптарды, сондай-ақ олардың мінез-құлқының негізгі стандарттарын белгілеп және халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға бағытталған. Мемлекеттік қызметшілердің ұстануы тиіс мінез- құлықтарының жалпы стандарттары мен қызметтен тыс уақыттағы мінез-құлық стандарттары бекітілген. 

Әрбір мемлекеттік қызметші қызметтік әдепті сақтау үшін барлық қажетті шараларды қолдануы тиіс, ал қоғам мемлекеттік қызметшіні өз күш-жігерін, білімін  және атқарып отырған кәсіби қызметіндегі тәжірибесін сала отырып, құмарлықпен және адал өз Отанына – Қазақстан Республикасына қызмет ететіндігіне сенуі қажет.

Мемлекеттік қызметшілердің орындауы тиіс негізгі әдептілік талаптары:

-жалпы қабылданған моральдық-әдептілік нормаларына негізделген мемлекеттік қызметтің әдеп нормалаларының негізі мен қағидаларын  сақтауға;

- мемлекеттік органдарда сыбайлас жемқорлық қаупін тудыруға қарсы іс-қимыл жасауға, сыбайлас жемқорлық құқық бұзушылықтарына жол бермеуге;

- егер сыбайлас жемқорлық құқық бұзушылық туралы ақпарат болса, жоғары тұрған басшыға, өзі жұмыс істейтін мемлекеттік органның басшылығына, уәкілетті мемлекеттік органдарға жазбаша нысанда дереу хабарлауға;

-«Қазақстан Республикасының мемлекеттік қызметі туралы» Заңымен көзделген міндеттерді атқаруға, тыйым салған және шектерді сақтауға;

-  мемлекеттік қызметке кір келтіретін теріс қылықтарды жасамауға;

-мүдделер қақтығысын болғызбауға және реттеу жөніндегі шараларды қабылдауға;

-егер мүдделер қақтығысы болған жағдайда лауазымдық міндеттерін орындамауға;

-қызметтік функцияны атқаруға қатысты тиімді, нәтижелі, ашықтық тәсілдерді іздеуге және пайдалануға;

- Қазақстан Республикасының мемлекеттік рәміздеріне құрметпен қараудың үлгісі болуға;

-өзіне бағынысты мемлекеттік қызметшілерден лауазымдық өкілеттіктері шеңберінен шығатын тапсырмаларды орындауды талап етпеуге;

-қызметтік өкілеттігін пайдалана отырып өзіне және отбасы мүшелеріне игіліктер және артықшылықтар алмауға;

-лауазымдық міндеттерін пайдакүнемдік және өзге де жеке мүдделері үшін пайдаланбауға;

-пара немесе параға жақын құқық бұзушылыққа жататын құқық бұзушылықтарды жасамауға;

-қызметте жалпы қамқорлық немесе қызмет бабында кетушілікке жол бермеуге;

-мемлекеттік қызметке кіру және мемлекеттік қызмет бабында ілгерілету кезінде заңда көзделмеген артықшылықтар бермеуге;

-шешімдерді дайындау мен қабылдау кезінде жеке және (немесе) заңды тұлғаларға құқыққа сыйымсыз қолдау көрсетпеуге;

-қызметтік тәртіпті сақтауға, басшылардың бұйрықтары мен өкімдерін уақытылы орындауға;

-қызметтік ақпаратты жарияламауға, оның ішінде әдеуметтік желілер арқылы;

-Қазақстанда тұратын барлық ұлттың салт-дәстүрлерін, ғұрыптарын және тілдерін құрметтеуге;

- өз өкілеттігін атқара отырып жеке және заңды тұлғалардың қызметтерін жеке мүддесі үшін пайдаланбауға;

-әріптестерімен және азаматтармен іскерлік әдепті және ресми мінез-құлық қағидаларын сақтауға;

- қызметтен тыс уақыттағы мінез-құлық стандарттарын сақтауға, қоғамға жат мінез-құлық жағдайларына жол бермеуге;

-әріптестеріне өз діни көзқарасын ашық көрсетпеуге, бағынысты қызметшілерді қоғамдық және діни бірлестіктердің, басқа да коммерциялық емес ұйымдардың қызметіне қатысуға мәжбүрлемеуге;

-сырт келбеті іскерлікпен, ұстамдылықпен және ұқыптылықпен ерекшеленуге;

-сыбайлас жемқорлық көріністерін жасады деп көпшілік алдында негізсіз айып тағылған жағдайда оны теріске шығару жөнінде шаралар қолдануға;

- көпшілік алдында сөйлеумен байланысты мінез-құлық стандарттарын сақтауға;

-мемлекеттік қызметтің беделіне нұқсан келтірмей, пікір-сайысты сыпайы нысанда жүргізуі тиіс.

Қорытындылай келе, қызметтік әдеп нормаларын сақтамау сыбайлас жемқорлыққа, әр түрлі құқық бұзушылықтар мен теріс пайдаланушылыққа жағдай туғызады, сондай-ақ тәртіптік шара қолдануға алып келеді. Мемлекеттік қызметте мемлекеттік қызметшілер мінез-құлқын қадағалап, сын болмайтындай этика талаптарын қызметте де жұмыстан тыс уақытта да сақтау керек.

 

Кадрлық ұйымдастыру-құқықтық қамтамасыз ету

бөлімінің басшысы және Әдеп жөніндегі уәкіл:

Т.Темиралиев